SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
ايل آزماني

ايل آزماني

ايل آزماني باشا بِلا گِلمِزميش
آجالي يتمه‌سه ياتان اؤلمِزميش
آرچا، توُروُنچ باغي ييل بوْيي ميدام
ياشيل اؤوسـوپ هر ياغداي‌دا سوْلمازميش

يوْلداشي هر كيمينگ نيّتي پألي
سايغارماق قين بوْلدي ساغ بيلن دألي
گيدندير آرادان رحم هم شاپاقات
قاتيشدي حاراما كؤپ‌لرينگ مالي

قناعت آيريليپ بركت گيتدي
جؤهيت بازاريندا انصاف هم ييتدي
پوُل اوچين بير نأچه باي‌سيران سامسيق
پيكر اتمأن سوْنگوُنا وجدانين ساتدي

نأچه‌‌لري سـولـوك صيپات بوْلوُپدير
ياپيشان آدام‌نينگ رنگي سوْلوُپدير
خدايا، وجدانا قارشي دوُران‌لار
كِسِل بوْلوُپ آراميزدا دوْلوُپدير

كؤپ ياشايان بيلمِز ايل‌لري گِزمان
دايخان‌چيليق بوْلماز، ير يوزي قيزمان
سخي بوْلوُپ غريب‌لاري قوْللاغيل
كِرِم‌لي دريادان اوُميدينگ اوزمأن

«تاقي سرخوْش» سن وجدانينگ قوُلي ‌سن
محبّت بوْستانينگ غوُنچا گـولي سن
گِچمه‌جك تاپيلماز پاني دونيادن
بيلمه‌ديم من دونيا نيچيك لوْلي‌ سن

  این مقاله را با فرمت PDF نشان بده چاپ مقاله فرستادن مقاله