SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > اثِر قالسين
اثِر قالسين

اثِر قالسين

ييگيت‌لر قدريني بيلينگ عؤمـورينگ
گؤز آچيپ يوُميانچانگ گِچيپ بارادير
باشارسانگ اثِر قوْي اؤزونگدن ايلكي
ياديگأر قوْياني سچيپ بارادير

اوْيا ساقلا وجدانينگي هر حالدا
دوْغروُ‌ليغي مايا بيليپ اؤزونگه
گتيرمه يانينگا يالان كسل‌ني
گوهر تكين قيمّات قوْيغوُل سؤزونگه

بريم‌لي ال بِرك قاپيني آچيان‌دير
آچيق اتگيل ييگيت‌ليكدن الينگي
كؤپه‌لر حوْرماتينگ ايلينگ ايچينده
سؤزلِتمه‌سِنگ يرسيز يره ديلينگي

كأميل بوْلار آدامزادينگ عَقيلي
نصيب‌ چكيپ قيرقا يتن زماني
كدخداليق اتجِك كيشي بللي دير
سايلانار ييگيدينگ يـووروك - چاماني

گِچِر عؤمـور بِللي بوْلماز گچمه‌گي
اللي ييل هم بير اوْرتانجا ياش بوْلار
اوْزال ياغشي يوْلدا گِزِن ييگيت‌لر
ايندي بوْلسا ايل ايچينده باش بوْلار

آخميرين چِكِرسن گِچِن زمانينگ
ايلكي «ميش‌»دان گِچيپ كـوتِلسه كـويـونگ
ايكينجي‌ «ميش» سوْنگرا سِگسِن توْغساندا
قُوات قاچيپ بيلدن بـوكـولِر بوْيوُنگ

هر ياغداي‌دا « سِرخوْش» ساقلا اؤزونگي
ربّينگي چيقارما هرگيز يادينگدان
بِنا دير، يازوُو دير علم - بيليمدن
گيده‌جك سن اثِر قالسين آدينگدان

  این مقاله را با فرمت PDF نشان بده چاپ مقاله فرستادن مقاله