SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > دوْغري اوْزار
دوْغري اوْزار

 

  دوْغري اوْزار

 

اؤز حاقينا قانيع بوْلان اگسيلمز
كؤپه‌لِر حوْرماتي ايلينگ ايچينده
هر نأچه قوْم توُروُپ توْلقوُن‌لار آتسا
گأمي‌سي آغايماز سيلينگ ايچينده

اؤسـوم آلجاق بوْلسانگ چيقارما ياددان
دوْغري‌ليق بير بوْرچ‌دوُر انسان بوْيوُندا
اوُروُشيپ، دالاشيپ مال اوچين هرگيز
ييقيلايمانگ قهبه پِلِك توُيوُندا

آتالاردان- بابالاردان ناقيل بار:
«دوْغري اوْزار، اگري آزار» دييرلِر
خلق مالينا گؤز تيكمه‌ين ييگيت‌لر
ايل ايچينده توْي دوْنوُني گِيِرلر

دوْغري توُتوُنگ ايلكي باشدان بِناني
اگري آرچا قوُروُلشيغا ياراماز
گِلسه قهري طبيغاتينگ اربِده
عامي، عالم، صوْپوُ‌سينا قاراماز

اينانينگ عدالت تره‌زأ ميدام
اوْيناپ دوُرار قيلي قيلدان سايلاييپ
شوُ دونياده حقي حقا يتيرِر
قادير الله قُدرت بيلن آيلاييپ

« سرخوْش» سنينگ صدقينگ باردير الله‌غا
قالسين سندن ياز نصيحت سؤزونگي
قاناحات ايله‌گيل حلال چؤره‌گه
حرام مالدان قاچيپ يوُمغوُل گؤزونگي

  این مقاله را با فرمت PDF نشان بده چاپ مقاله فرستادن مقاله