SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > اقبالينگ شايادي
اقبالينگ شايادي

اقبالينگ شايادي

غوغالي بازاردان قاچان قوُتوُلماز
توكّل ايله‌يِن آنگسات اوُتوُلماز
ايل خايرينا أديم أدمه‌يِن كيشي
اوْتوُرشيق ميليسده آدي توُتوُلماز
سوْراشايسانگ شوْندا كيم بوْلار ياغشي
جوْغا بيم ايل اوچين ايشلر بيتيرِن

زمانا سر اتمأن واغتين گِچيرن
اقبال قوُشي دپه‌سيندن اوُچوُران
ايله قاتيشماني سرگردان بوْلار
اليندأكي باغت قوُشوُني قاچيران
غوغالي بازاردان قاچان قوُتوُلماز
ايلايتا آزاشيپ يوْلوُن ييتيرن

باغتلي بوْلجاق بوْلسانگ زمانا گؤرأ
سن هم ايزا قالما قوْشوُلغين سـورأ
سـوري‌نينگ ايچينده داياو بار عجيز
قالماني سـوري‌دن اوْرتادان يؤره
شوْندا سن باغتلي سن آرقايين بوْلغوُن
سن بيلن دنگ بوْلماز اومسـوم اوْتوُران

اقبالينگ شايادي سن بيلن يوْلداش
ال- آياق آشاقدا يوْقاردا هم باش
آياغينگ خايير ديپ ساغ بيلن سوْلا
گؤتِرسنگ دوُشمان هم بوْلار قارينداش
اوْنكي سـونگّـونگ اوُلي بايليق بوْلياندير
ياغشي اوْلدوُر خايرا أديم گؤتِرِن

يوْلداش دير هر كيمه نيّتي، پألي
قارون تك بوْلوُبان ييغناسا مالي
آرمان قالار جاندا خذمت اتمأني
اؤتأيسه دونيادن گؤر نيچيك حالي
مِسكينه قاران هم تاپيلسا گِرِك
باردير ايل خايرينا عؤمـور اؤتـورِن

قاوالاپ باغت قوُشي اِله گتيرسِنگ
شوْل ياغدايدا خلقينگ ايشين بيتيرسِنگ
وجدان راحت‌ليغنا هزيل‌ليك يتمز
ييقيلانينگ اِلين توُتوُپ گؤتِرسنگ
وجداني راحت دير هر دانا كيشينگ
مرد اوْل بوْلار ايش بيتيريپ قوُتاران

تجريبأنگ بوْلماني عؤمـور گِچيرسِنگ
اقبال قوُشوُن بيلمزليكدن اوُچوُرسانگ
هر نأچه «
سرخوْش» هم بوْلاسانگ اگِر
اؤكـونِر سن واغتي الدن قاچيرسانگ
بـورگـوت بوْلوُپ آل‌هوادا گِزمه‌لي
شوْندا بوْلسانگ گِرِك آوين گتيرِن

  این مقاله را با فرمت PDF نشان بده چاپ مقاله فرستادن مقاله