SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > بيرام‌قليچ فرزام
بيرام‌قليچ فرزام

بييك تانگرينگ آدي بيلن

 

توركمن ادبياتي‌نينگ، مدني و روحي بايليغي‌نينگ، پايخاسلي اوْغوُل‌لاري‌نينگ بيري هم تاغان‌بردي پورمند، تاغان‌دوردي اوْغلي‌دير.  اوْل ايل آراسيندا «تاقي» آدي بيلن تاناليپ و «سرخوش» لاقامي (تخلصي) بيلن پايامالار و پوْئيزيالار دؤرديأر.

دؤره‌ديجي اوزاق واغت‌لاردان بأري كؤپ سان‌لي اثرلريني توركمن ديلينده چاپ بوليان ژورنال-قازيت‌لرده نشر اديپ، اوقوچي‌لارا هؤدورلأندير. ايندي هم اؤز اثرلريني اوقيجي‌لار كؤپچوليگينه يتيرمك ماقصاد بيلن اوُزاق ييل‌لاردان بأري پايامالار و پوئيزيالاريني كتاب صوراتدا نشر اديپ توركمن ادبياتينا قوْشانت قوْشماق آرزوسي بار. دؤره‌ديجي‌نينگ ايسله‌گي حاصيل بوْلماغي بيزينگ هم ديله‌گيميزدير. شول سبأپدن شاهيرينگ پايامالار و پوئيزيالاري بارادا بير نأچه كلام سؤز يازماغي اؤزومه بوْرچ بيليپ، قيسغا صوراتدا شوْلارينگ كأبيريني آناليز اتمك ماقصاديم بار.

دؤره‌ديجينگ هونأريني سؤيگي ليركالاريندا عايان گؤرمك بوليار. شاهير گون دوغار و اورتا آسيانينگ خلق‌لاري يالي سؤيگي ليركالاريني پارس ديلينده هم قوشغي فورمادا، غزل صوراتدا دؤره‌ديپ‌، قوْل يازما فوْندوندا ساقلاپ يؤر.

دؤره‌ديجي پايامالاريندا «سييس‌»لرينگ هونأريني و قهرمان آط‌لارينگ اوْبرازيني و آطا هؤوأس بيلديريان‌لري اوْنگات فوْرم‌دا نيغتاپ‌دير. بير پاياماسيندا «ناظارلي» يالي اوستاد باغشي‌نينگ آيديم-ساز اوغروندا ادن  خيذماتينا اولي بها بريپ‌ يازان اثرينده آد قازانان توركمن باغشي‌لارينگ حاطاريندا قوْيوُپدير.  دؤره‌ديجي، اخلاق و مورال تايدان هم شيغيرلار دؤره‌ديپ، انسانا حورمات و سيلاغ قوْيماغي هر بير انسانا وظيفه بيليپ‌دير.

ايندي بير نأچه كلام هم توركمن و تورك شيغيرلاري بارادا آيتماغي اؤزومه بوْرج بيليأرين. توركمن و تورك شيغيرلاري هجا اؤلچه‌گي بيلن يازيليپ، آيديم صوراتدا چيقماغا يارديم بريأر. شوْل سبأپ‌دن توركمن شيغري‌نينگ اوستادي مختومقلي فراغينگ يدي‌يوز قوْشغي‌سيندان ايكي‌يوزه قوْلاي قوشغي‌لاري آيديم بولوپ خلق آراسيندا، عاصيردان عاصيرا خازينا بولوپ دير. اولي عالم‌لارينگ تحقيق‌لارينا گؤرأ، توركمن و تورك شيغريني يازماق اوچين دينگه هجا اؤلچه‌گي ميناسيپ دير. شول سبأپدن توركمن ديلي‌نينگ فونه‌تيك قورلوشيق‌لاريني عروضي اؤلچگ بيلن قوشغي يازماقدا قين‌چيليق دؤرأپ يازيلان قوْشغي‌لار طبيغي ياغدايدان اوزاق دوشيأر و شاهير چأره تاپماني عروضي اؤلچگ بيلن شيغير يازجاق بولسا، عرب و پارس سؤزلردن پيدالانيار.

سؤزوم سوْنگوندا سويجي آرزو آرقالي بييك تانگري‌نينگ برن گويچ‌لي تالانتي بيلن دؤره‌ديجي ينه-ده توركمن ادبياتينا خيذمات اديپ، انه ديلينگ اوُغروُندا دؤره‌دن قوْشغي‌لاري و سره گلن سؤزلر آديندا يازان قوْل يازمالاريني‌دا چاپا يتيريپ خلق آراسيندا يايراتسا، ادبي و مدني و تاريخي ميراثيميزا قوْشانت قوْشار دييأن پيكير بيلن اوستونليك آرزو اديأرين.

بيرام‌قليچ فرزام

(يازيجي)

 

  این مقاله را با فرمت PDF نشان بده چاپ مقاله فرستادن مقاله