SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > اوُستاد نظرلي
اوُستاد نظرلي

          اوُستاد نظرلي

دونيأ گؤركي دييسك باهار يازلاري
كؤل‌لرينگ گلشيگي دييسك غازلاري
روحا داماق دييسك آيديم سازلاري
روحلاري شاد ادِن اوُستاد نظرلي

اوُستاد ساخي، ماغتيم‌قوُلي قارلي‌ني
ياد اديپ آيداردي زولپي تارلي‌ني
توْي بوْلسا، دِنگ توُتوُپ بارسيز بارلي‌ني
ايل‌لري شاد اِدِن اوُستاد نظرلي

اوْيانديرجاق بوْلوُپ آپاق ياريني
يانديردينگ بي‌بي ديپ الده باريني
قوْياردي سارييانگ چكيپ زاريني
توركمني شاد اِدِن اوُستاد نظرلي

ماغتيم‌قوُلي قارلينگ جان اي جانيني
تشنيت،  كِرِم گلدي، كؤپلر سانيني
آيديپ قيزديراردي ايلينگ قانيني
ايل‌لري شاد اِدِن اوُستاد نظرلي

سرخوْش ييگيت آدلي ساخي‌نگ آوازين
آيدان واغتي دوتار، قيجاغينگ سازين
ديرِلدن يالي ‌دي چالمانينگ اؤزون
پيريني شاد اِدِن اوُستاد نظرلي

بوُ يالانچي هر كيمه دوْن بيچِن‌دير
اوستاد شاگيرد اؤلـوم زهرين ايچِن‌دير
اوستاد ساخي داغلار دييپ گِچِن‌دير
اوستادين ياد ادن اوُستاد نظرلي

توْماغالي، دوش بوْلماسين، گلين لر
دييپ آيدان واغتي يـورِك ديلِن‌لر
كأن ايدي قوُلاغين گِرِيپ گؤرِن‌لر
تـوركمني شاد اِدِن اوُستاد نظرلي

دييردي دوُتارسيز بير گون گزمه‌نِم
دوُتار قيجاق توركمن يوْلي بوْزمانام
بير آيديم آيداردي آدي دؤزمه‌نم
آيداندا شاد اِدِن اوستاد نظرلي

اؤتسه-‌ده دونيادن قالاندير آدي
عبدالمناف، منصور كؤنگلـو‌نينگ شادي
دكتر مجيد تكه مأمِد ذُريادي
شأگيردين شاد اِدِن اوستاد نظرلي

قدر بيلن يوْق هم دييسك تاپيلار
قدر بيلن‌لره آچيق قاپي‌لار
أر- ييگيت‌لر بوُ ميداندا چاپيلار
أرلري شاد اِدِن اوستاد نظرلي

لاقامي محجوبي، حُجب و حيالي
اؤيي چاي‌قاوشاندا توْقاي قايالي
صبرلي دير اوْغوُل بأبِك عايالي
بالام ديپ داد اِدِن اوُستاد نظرلي

ياديمدان چيقمايار بير آيدان سؤزي
اوُلالدارلار باغشي يوُموُلسا گؤزي
هر كيم سيلاغيني گؤرسه‌ميش اؤزي
گلجه‌گين ياد ادن اوُستاد نظرلي

ساغ بوْلوُپ ياشاسين دوشـونيأن، بيليأن
هـونأر اوچين يـورِك باغريني ديليأن
 بوُ ميليسي گؤروپ « سرخوْش» هم بوْليان
تـوركمني شاد اِدِن اوُستاد نظرلي
 

  این مقاله را با فرمت PDF نشان بده چاپ مقاله فرستادن مقاله