SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
قربان آقا

قربان آقا

 

قُربان آقا ارتير ايردن دانگ آتيپ آتماقا، اوُقي‌سيندان اوْيانيپ: «سينجا-طأرِت قيلايين» دييپ، اؤيدن داشاري چيقدي-دا، گؤزوني دانگ ييلديزا قارشي تيكدي. گؤرسه ييلديز آيدان يرينه يتمأندير. بير آز اير اوْيانماغينا اؤز اؤزوندن پيكير اديپ: «الله! شوُ عؤمرومه چن‌لي بللي واغتدا اوْيانديريان كؤكلي-جانگلي ساغاتيم بوْلماسا-دا خدايينگ بيرليگينه و پيغمبرينگ برحق‌ليغينا ايمان گتيرن يـوره‌گيم يالنگيشماني مجّيد‌ينگ صوفي‌سي‌نينگ الله اكبر دييِن سِسينه اوْيانديرياردي، مگر بوْلسا اؤتن آغشام بايرام ساقغالداشيم بيلن آنادوُردي آقانينگ اوْغوُل اؤيِريپ گلين آليان آط‌چاپغي‌لي توْيوُنا گيتمأگه هِوِسله‌نيپ ياتانيما گؤرأ تيز اوْيانانميقام؟!» دييپ، اؤز اؤزونه دونگـوردأپ، قارا دِپِل مِس آطينا قارشي اوُغرادي. اوْني تيمارلاپ بوْلاندان سوْنگ، بايرام آقا بيلن چاي داماق ايچيپ- اييپ اوُغراماغي مصلحت بيلدي‌لر. شوْنگا گؤرأ-ده عألم-جاهان ياغتي‌لاناندا ساقال موُرتي تيمارلاپ اؤزلريني بِزأپ، توْي قاتانجيني آطلاري‌نينگ اؤنگـونه ساليپ، آنادوُردي آقانينگ اوْباسينا قارشي اوُغراديلار. گون اوْرتا يتمأكأ اوْبانگ قيراسينا يتيپ اوْباداقي توْيا ييغنانان آدام‌لارا آنادوُردي آقانينگ ياقين دوستلاري گله‌نيني بيلديرمأگه تـوپِنگ‌لري‌نينگ آغزيني گؤنگه توُتوُپ آطلاريني چاپديريپ اوْق باريني سايماغا دوُردوُ‌لار. آنادوُردي آقا بوْلسا: «بأ ‌منينگ عزيز دوستلاريم گِلِن اِكِن» دييپ، آط توُتماق حؤكموني اتدي. قُربان آقا بيلن بايرام آقا بوْلسا توْيي قوُتلاپ آق‌قاميشلي، بيلي ناغيشلي آق اؤيه گيردي‌لر. قُربان آقا بوْلسا آنادوُردي آقانينگ عيالي آي‌جمالي گؤروپ اؤتن زمانلاري يادينا دوشـوپ توْيوُ‌ني قوُتلاپ دگمه‌له‌مأگه دوردي. اوْل قيرق بأش ييل موُندان اوْزال دوْغري اوْن يدي ياشيندا آي‌جمالا قوُزي قايتاريپ قوْيوُن ساغيان واغتيندا عاشق بوْلوُپ قوُزوُلاريني توُتوُشياني و نصيب بوْلماني بير-بيرينه قاويشماني يادينا دوشـوپ كؤنه دردي تأزه‌لندي. قُربان آقا آي‌جمالينگ كؤرپه اوْغلوُنينگ اؤيلنديرمك توْيوُنا بگنيأني، يا-دا آتا- انه‌سي‌نينگ بيليم آزليغينا گؤرأ تأصيپ اديپ، قوُل- ايگ دييلِن سؤزي بيله آي‌جمالي آليپ برمأني شِيله بير شاديانليقدا موندان هم ياقين بوْلوُپ بيلمه‌يأن حاسراتين چكيأنيني اوْتوُرانلارا بللي بوْلماسا-دا آي‌جمالا گونونگ شؤهله‌سي يالي بللي‌دي. ايلايتا قُربان آقانينگ آي‌جمالينگ يرينه دوشن عياليندان هم اؤنگوني بولماني ذُرياتسيز گچمه‌گينه غم باسيپ اوْتيرقا ياش‌اولي و ياغشي ييگيت‌لر اؤيله نمازي اوْقيپ «گنگِش توْيي باشلاماغا چاپغي ميدانا قارشي اوُغرايلي» دييپ، مصلحت اتدي‌لر. قُربان آقا قيزيل دوْنوُني گِييپ قارا دِپِل آطيني تكه جوُل آلا بوْيوُنسا كـومـوش شاي اسبابي بيلن بزأپ بأش آتار تـوپنگي‌نينگ قوُشاغيني بوْينوُندان گِچيردي-ده پوُخار بوُيرا تلپه‌گيني سلپِيلله‌ديپ بايرام آقا و آنادوُردي دوستي بيلن آتلانيپ چاپغي ميدانا قارشي اوُغراديلار. قُربان آقا بير سميز اؤكوز توْيوُنگ گؤره‌شينه قاتانچ برسه-‌ده بير توْپ تورمه ‌شالي آنادوُردي آقانينگ اؤنگدن سـويرِنتگي آليپ قاچماق پيكره دوشـوپ قارا دِپِل مست آطي‌نينگ بوُدوُنا قامچي‌لادي. قُربان آقا آط مينمأگه هر نأچه چپر هم بوْلسا تورمه شال آطينگ آياغينا چوْلاشيپ تاساپ، دوُرار يرده دوُرماني بير اوُلي جاردان اøيرغيياندا باغتي شوْر قُربان آقا قواتي كِم‌ليگنه گؤرأ آطينگ اوستونده اوْتوُرا بيلمأني يره ييقلدي‌-دا تـوپِنگينگ آياغينا سيني ايليپ بير اوْق سسي گلدي. باريپ گؤرسه‌لر قُربان آقانگ قوُرساغي‌نينگ اوستوندن قيزيل قانينگ اؤزي آخميرلي آچيق گيدن گؤزونينگ داشيندا اويشوپ خاتا بوْلوُپدير. قُربان آقاني توْيي ياسا دؤنِن آي‌جمالينگ اؤيونه گتيريپ، آي‌جمالينگ اؤزونه نيّت‌لأپ قوْيان كؤپـوني بيلِن دوْناپ اوْبانگ ياقينيندا چاپغي ميدانينگ قيراغينداقي دِپأنگ اوستـونده جايلاديلار. قُربان آقانينگ اؤز اؤنْگـوني
بوْلماسا-دا، آي‌جمالينگ ايسله‌گينه گؤرأ سوْنگرا دوْغان اوْغوُل آغتيق‌لاري‌نينگ بيرينه قُربان آقانينگ آديني داقدي‌لار. ايندي بوْلسا شوْل ييگيت شهيد‌ليجه آدلي مالدارلارينگ يايلاق يوُردي بوْلان چؤلـونده اوْتوُريار.


 

  این مقاله را با فرمت PDF نشان بده چاپ مقاله فرستادن مقاله