SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
عايشا بي‌بي اجه

 

                           عايشا بي‌بي اجه

 

بيزينگ ياقين قوْنگشوُليغيمزدا اوْتوُران عايشابي‌بي اجأ‌نينگ هم ياشايش ياغداينا سر اديپ يالنگيشيندان عبرت آلماق اِربِت بوْلماسا گِرِك. اوْنوُنگ ياشي‌نينگ ساني اللي ييلدان اؤتمه‌ديگيني آلين ساچي‌نينگ چالاريپ آغارماغا يتمه‌ديگيندن بيلمك بوْلجاق. اوْل هر گون ارتير دانگ آتيپ آتماقا يريندن توُروُپ موْر دِپِل تـووه سيغري‌نينگ سـويدوني پاراخاتليق بيلن ساغجاق بوْلوُپ «هؤوليم هؤوليم موْر دِپِلجأم!» دييه دييه دأليشگه تـووه‌سي‌نينگ سؤينوك بيلن قرار تاپيان آوازيني تأزه دوْغان چاغالاري هـوودو‌لِنشي يالي هينگّيلله‌نيپ ساغيار-دا نمازيني اوْقيماغا دوُريار. اوْل نمازيني اوْقيپ بوْلاندان سوْنگرا هم يـوز ييگريم دؤرت مـونگ اؤتوپ گِچِن پيغامبرلري سانايان يالي بوْلوُپ صوپي‌لارينگ بارچا يادلايان اوْنگات كلام‌لاريني نمازليغينگ اوستـوندن توُرماني ذكر اديپ دوْغري بير ييل موُندان اوْزال قوْشوُن قوُللوغينا گيدن گلين‌لي چاغالي عبداله آدلي يكه اوْغلوُنينگ حاقيندا هم ساغليق دوْغاسيني اوْقييار. اوْل سوْنگوُني سايغارماني «اؤز گؤزومينگ آچيق‌ليغيندا عبداله جانينگ توْيوُني توُتماسام بوْلماز» دييمه‌گي بيلن درياقُلي آقانينگ «هاي عيال! اوغلوُميزي قوْشون قوُللوُغيني قوُتارماني اؤيلِنديرمك قاربيش ايشدير» ديين نصيحت‌لي سؤزونه هم سر اِتماني بار يوْغوُندان گِچيپ گلين آلانيني و ايندي هم گِلينينگ بوُروُلجيپ، هر بير عبداله‌نينگ آدي ديله گِلنده گؤزلريندن بوْيوُر ـ بوْيوُر ياش دؤكوپ اوْتوُراني يادينا دوشـوپ اِدِن يالنگيش ايشينه اؤكـونيپ، آنگريسينا يتيپ بيلمه‌سه-‌ده، «ايش قايغي‌ني باسار» دييپ، بايرام‌تاج آدلي دوْقماچي گلينيني بيكار قوْيماجاق بوْلوُپ اوْنوُنگ داراپ پيشگه اِدِن يـونگ‌لريني اِگيرمك بيلن حاراسات گونوني آغشاما يتيريأر. عايشا‌ بي‌بي اجه نوروز آيينگ ايريگمأني ياغيان ياغيشلي گون‌لرينده اؤز اؤيونده قرار تاپماني، ارتير داماق چاييني ايييپ-ايچيپ، بايرام‌تاج گلينينه: «درياقلي آقانينگ گون اوْرتا ناهار تداريگيني گؤره‌وري، من قوْنگيشيم اوْغوُل بأبك حاجي‌نينگ اؤيونه اوْتوُرماغا گيتجك. آغشاما چن‌لي گـويمِنسم گِرِك» دييپ، تابشيرغي‌سي بيلن بير قوْجاق پيشگأ‌ني قاپدالي چيزيق آتان ايقماچلي ايگيني الينه آليپ: «منينگ قارّي كمپير انه‌مينگ يانيندا اوْتوُرماغا گلدي» دييمك بيلن، منينگ خدر آدلي اوْرتانجي دوْغانيم هم عبداله بيلن قوْشوُن قوُللوُغينا گيديپدي. شونگا گؤرأ يورِك-يورِكدن سوُو ايچر دييلشي يالي ايكي قارّي‌نينگ سؤزلري كؤپلنچ عبداله بيلن خديرينگ اوستوندن آيريلماياردي. يؤنه خديرينگ قوْشوُن قوُللوُغيني قوُتارماني اؤيلنمزليك نيّتي بوْلماغينا گؤرأ ايزيندان قايغي‌ غامي يوْقلوُغي تأزه ياقين‌ليقدا انه‌مينگ آدينا يازيپ ايبه‌رن خاطيندان بللي بوْليار. دوْغروُسي-‌دا ييگيت‌لري قوْشوُن قوُللوُغيني قوُتارماني اؤيِرمك يالنگيش ايشلرينگ بيري ديپ عايشا بي‌بي اجأ‌نينگ يالنگيشيني عبرت ساپاغي اتسِك، اربِت گونه دوشمه‌سِك گِرِك.


  این مقاله را با فرمت PDF نشان بده چاپ مقاله فرستادن مقاله