SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
اوغولجان قيز

  اوغولجان قيز

بيزينگ شهرميزدأكي اوْرتا مكتبده اوْقاپ يؤرِن قيزلاري، ياقيندان گؤرمه‌گينگ هم آيراتين حؤزيري بارميش. من اوْل تأزه آچيلجاق گولونگ غوُنچالاري يالي بوْلوُپ علم بوستاني‌نينگ ايچينده بيتن گوللري، شوْل يره اؤرأن ياقين بوْلان دوْستوُ‌مينگ اؤيوندن سين سالديم. قيزلارينگ بير نأچه‌سي اؤي‌لرينده آتا-انه‌سي‌نينگ قايغي‌لي گپ‌لريندن پيكير پاراحاتي بوْلمازليغينا گؤرأ و يا مدرسه‌ده ياشايان بوْيداش قيزلارينگ آراسيندا ياز گون‌لري ايسلي-قوْقلي گوللي بوْستانلاردا شادليق اديپ سايرايان بيلبيل قوش‌لار تكين اؤز دنگ دوُش‌لاري بيلن توْپ اوْيناپ بؤكوپ-تاويسيپ يؤرِن‌لريني اوْنگات بيليأن شوُ قيزلاري گؤرِر بوْلسانگيز اوْلارينگ قايغي آدلي كِسِل بيلن تانيشماز‌ليق نيّت‌لري بارليغيني اؤرأن بير آز سين بيلن آنگلاماق بوْلجاق بوْلار. اؤز اوْقوُو بيليميني آرتديرماق‌دان داشغاري‌-دا توْر اگين‌باش‌لار اؤرمك و نقاش‌ليق اديپ چكيأن صوُرات‌لاري و جاي‌لار يوْللارينگ ترسيمي هم مكتب‌خانادا بيليم‌لي موُغالّيم عيال‌لارينگ بريأن ساپاق‌لاريندان عبارت‌دير. شوُ مدرسأنينگ آلتي كلاس اوْقوُوچي طاليبي بوْلسا-دا هر بير كلاسينگ اوقووچي‌لاري اوچين بير هفتأ‌نينگ اوتوز ساغتليق اوقييليان واغتيندان اوچ ساغاتي ورزش آدلي اوينونا قرار بريليپدير. شِيله بير ساغات‌لاردا قيزلار واليبال، بسكتبال، ژيمناستيك، پينگ‌پونگ و يورتوپ ياريشماق اوُغروُندا ايلكينجي اوْرنليق مقامينا يتمك اوچين اديأن تالاش‌لاريني بيلمك بولجاق. من بيردنكأ ييگريم دؤرت ييل موُندان اوْزال، دوْغري بير مونگ اوچ يوز ييگريم بأشينجي شمسي ييلدا تأزه مدرسأ بارامدا عيال موُغالّيمينگ قيتليغينا گؤرأ شوْل زمانينگ قيزلاري بيلن بير جايدا بوْلوُپ اوْقانيم ياديما دوشوپ حأضيركي ايّامينگ مدرسه موُغالّيم‌لاريني گرنگأپ گؤردوم.

ايندي بوْلسا انچه‌مه اوْقوُو جاي‌لاردا اؤز تـوركمن قيزلاريميزدان موُغالّيم‌چيليغا يتيپ، شيله بير مقدّس يرلري علمي‌نينگ شؤهله‌سيندن ياغتي‌لانديرماغيني و كسلخانالاردا هم كؤپلرچه عيال دوغانلاريميز دوْكتوْرليق مقاميندا حاسسا بوْلوُپ گلن‌لره ساغالتماق اوُغروندا تالاش اتمك‌لريني گؤروپ بِيله‌ بير اوقوُو جايينگ اوُلي مقامينا اوْيلانيپ دوُرشوُما اوْغوُلجان آدلي قيزي گؤروپ تانيديم. من اوْغوُلجاني بير مـونگ اوچ يـوز قيرق يدينجي ييلينگ اوْقوُو سينانشيغي قوُتاراندان سوْنگ اوْرتا مكتبينگ اوچونجي كلاسي‌نينگ سينانشيغيندا ايكي يوز قيرق آلتي اؤزي يالي قيزلارينگ ايچينده بيرينجي اوْرن مقاميني ايه‌لنمه‌‌گيني قازيته يازيلاندا گؤروپديم. اوْغوُلجان قيزينگ بوْي سيردامي واليبال، بسكتبال اوْيناماغا مناسيب بوْلسا-دا توْپ اوْيناپ تاوسيپ يؤرِن بوْيداش‌لاري بيلن ايشي يوْقدي. اوْل بوُ دونيأنينگ عشرتيني بيلمه‌يأن يالي بوْلوُپ اؤز ييتيگيني كتابلارينگ آراسيندا يازيلان خاطلارينگ ايچينده گؤزله‌يأردي. اوْنوُنگ ييتيگي مگر بوْلسا-دا علم دييسك قاربيش گيتمه‌سِك گِرِك. دييمك بيلن، اوْغوُلجان قيزينگ آتاسي ايل مأمِد هم آتا- انه‌سي‌نينگ بيلمز‌ليكدن كؤپ اوْقان كافر بوْلار دييلِن سؤزه گؤرأ مدرسه‌دن چيقاران‌لاري و اؤز دنگ-دوُشلاري مدرسه‌دن قالماني بير ماقصادا يتيشِن‌لري يادينا دوشـوپ «ايندي بوْلسا قيزيم اوْغوُلجان من سانگا قوُوانيان» دييپ، اوْنگا سؤيگي بريأن سؤزلري بيلن علما ايقجاملي هِوِس‌لري يوره‌گينده جوْشدوُرماغيني اؤي‌لرينه قُربان عيديني قوتلاماغا بارامدا گؤروپديم. من اؤزوم شيله بير علم اوچين تالاش اديأن تـوركمن قيزلارا قوُوانيپ، اوْلارينگ آدينا آيراتين دستانلاردير قوْشغوُلار يازماغا هِوِسيم كؤپلوگينه گؤرأ سؤزومينگ سوْنگوندا علم آدينا قوْشان قوْشغيمي يادلاپ گِچمه‌گيمي يرسيز گؤرمه‌ديم:

علم، سن ادِر سن گؤزلري ياغتي
علم، سن آچار سن عالما باغتي
انه‌دن دوْغاندان گؤره گيريأنچأنگ
تالاش اِت علم اوچين آز دألدير واغتي

علم، سنگ ايزچي‌لانگ دوْيماز ايسينگدن
آلتين‌لار دؤره‌دِر كـومـوش، ميسينگدن
باغبان گـولـونه قوُللوُق اِدِن تك
سوُو بِرينگ دايانسين علمينگ داراغتي

علم، سنينگ ميوأنگ سـويجودير دات‌لي
علم، سنينگ چاغانگ شؤهرات‌لي آدلي
اؤسـوم‌لي سن، اؤسدونگ بيليم اوُغروُندا
اوُلي بوْلوُپ قوُردوُنگ دونياده تاغتي

« سرخوْش» بوْلار هر كيم عليما اوُيسا
عليمدان قالمانگيز اغيارلار قوْيسا
عيلم گأمي‌سينه مينيپ بيلأسنگ
سن اوچين گتيرِر اينگ اوُلي باغتي


  این مقاله را با فرمت PDF نشان بده چاپ مقاله فرستادن مقاله