SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
مأمد قُربان آقا

 

 

                          مأمد قُربان آقا

 

ياز آي‌لاري قايرا چؤل‌لريميزده ياشايان قويون مالدار‌لاري ياقيندان گؤرمه‌گينگ هم آيراتين حؤزيري بارميش. شيله بير گونلرده قارا باساغا يالي بوْلوُپ گليپ گچن قارلي آيازلي هر بير اوْتا چؤپه الينگ دگنده كسيم-كسيم اديأن ساويق هاواني باشيندان گچيريپ چاقغانليق و داياوليغي بيلن اؤزي قين‌چيليغا دوشسه‌-ده قوْيون قوُزوُ‌‌لاريني خورلاماني يازا يتيرن مالدارلارينگ بيري هم مأمد قُربان آقا دير. من مأمد قُربان آقاني چولوق اوغلانلارينگ باقيپ گتيرن قوُزوُلاري‌نينگ يوقوملي ساز تكين سِسلي آوازينا قوُوانيپ گؤك ياشيل بولوپ گؤگِرن قيرتغيچ اوتونگ اوستونده سوْل اِلي‌نينگ تيرسه‌گينه سؤيه‌نيپ سؤيونيپ ياتان واغتي دوُشوشيپ سلام بريپ گوروشديم. مأمد قُربان آقا: «و عليكم السلام» دييپ، آمان-اسن‌ليك سوْراشاندان سونگرا: «هاني ميهمان ييگيت، اؤيده اوْتورشيق اده‌يلي‌دا!» ديپ، حورمات اتمه‌گي بيلن: «كريم جان ميهمانينگ آطيني توُتوُنگ» ديپ، اؤيونگ قايرا ينگسه‌سينده قارا دِپِل كؤسسِك‌لي آطينگ قوشلوق اييميني بريپ دوران كريم آدلي اوغلوني چاغيردي‌-دا مني آق قاميشلي تازه دوُرلوُق اِشيكلي آق اؤيه سالدي. مأمد قُربان آقانينگ عايالي بوْلسا ميهمان سيلاغينا پشمك باريني اوْجاغينا ساليپ اوْدلاپ سوُودان دوْلي قارا تـونگچأني قيراغيندا قوْيدي. قارا تـونگچه بوْلسا لاولاپ يانان پشمه‌گينگ اوْدوُنا طاقت گتيرمأني لاقيرداماغا دوُردي. مأمد قُربان آقانينگ عايالي قيزيل آلا دمكش‌لره چاي آتيپ دِمله‌دي-‌ده، اوْجاقدان تأزه چيقاران كـوللي چؤره‌گي‌نينگ كـولـوني قاقيپ سوپوريپ، قويونينگ تأزه مِسكه ياغي بيلن اؤنگوميزده قوْيدي. بيزينگ يالي شهرلي يورت‌لاردا نِبات ياغيني اييپ يؤرِن آداملارينگ آغزينا مسگه ياغي دوْغروُ‌دان هم يوْقوملي گليأنميش. ايلايتا قارپيز توْشاپ گؤك اوزوم، پيوندي اريك، توُرشي‌ليمون و دورلي چـويچوك نبات‌لار هم چايا گرك زات‌لاري دييپ، يانيندا قوْيولسا اوْنگا يتر دات‌لي طاغام قيتليغينا گؤزوم يتيشدي. بوُ ياغشي نيغمات‌لار گيجه گونديز بيزينگ گؤزوميزينگ اؤنگونده گؤرونسه-‌ده شهرينگ حاراسات گونلي قالماغالي بيلن گؤزه گلمه‌يأنميش. مأمد قُربان آقاني سويجي صُحبت‌لي ايچن قارا چايي قانديرا بيلمه‌ديگي ايكينجي دمكش آرا گلمه‌گي بيلن بللي بوْلدي. اوْنونگ مانگلايي سوْنگراقي ايچن چايي بيلن درله‌مك اوغروُندا چيغجاردي‌-دا، قويونلار گون اورتا ساغيم واغتي ياتاغا گلمه‌گينه گؤرأ: «كريم، مأمد آمان، بي‌بي‌جان! گيدينگ انه‌نگيزه قويون ساغيشماغا كؤمك اِدينگ» دييپ، اوْغلانلارينا حؤكوم اتدي. من مأمد قُربان آقادان: «موديمي اوْتوريان يوُردوُنگيز شوُ ير مي؟» دييپ سوْراشامدا، اوْل: «قيش گونلري اؤتوملي ساويق يل‌لر اؤسنده، سـورتـوك قيت دگيأن چاغاتلاردا- قوْل‌لاردا اوْتورياريس» دييدي. مأمد قُربان آقانينگ قوْيوُنا ايقجام‌لي هِوِسي بارليغي مونونگ اونگشوق دوزگـوني ياغشي خاطاردا بوْلسا هم گؤك ياشيل ايغشيلداپ اوْتوُران قيرتغيچ‌لي باييرلار و لأله گوللي چاغات‌لي قوْللي دپه-دره‌لردن اِل اوزه بيلمأني: «شهرينگ غوغالي سوداسيندان بيزار من!» دييمه‌گيندن بيلمك بولجاق. اوْنونگ گؤزلرينه شهرينگ دورلي اييميش اوتلاريندان، داغلاردا گـويز آييندا دوُرنا قوش‌لار اوْتوران يريندن تاپيليان دوْمالانلار و باييرلارا چيقان كؤمه‌لك‌لر و اوْبانگ ياقينينداقي دپه‌لرده گؤگريأن يلميك، أجيوه اوتلار، دونيانينگ بارچا حؤزيرينه بريم‌سيز دير.  مأمد قُربان آقانينگ پيكري‌چه:

 

 

طبيغاتينگ گؤركي باغلي دير يازا
دوُرنالارينگ سسي دِگِر يــوز سازا
كأكيليگي گـويز آي‌لاري سايراشار
ناز ساتار باراغا، اؤردِ‌گه، غازا

بوُلارينگ باريسي طبيغات گؤركي
بريلسه گؤك اوْتا اؤسأيمك اِركي
قوُزوُلار قيرتغيچ‌دان دوْيوُپ گلنده
مالدارينگ يـورِگنه دوشمه‌يأر قوْرقي
 

دييپ، سؤزوني قوُتاردي-‌دا،  مني اؤز پيكرينه يالنگيز قوْيدي.

 


  این مقاله را با فرمت PDF نشان بده چاپ مقاله فرستادن مقاله