SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > ادبي يازغي‌لار > آط، آطينگ ايه‌سي، سِِييس‌لر آدي
آط، آطينگ ايه‌سي، سِِييس‌لر آدي

 

                 آط، آطينگ ايه‌سي، سِِييس‌لر آدي

 

آطينگ، آط‌چاپانينگ آدي قالسين ديپ
گره‌گيني هِوِسجِنگ‌لر آلسين ديپ
قوْشغي بيلن آط تاريخين يادلايين
بيزدن بير بالاجا خيذمات بوْلسوُن ديپ
 

ايران توركمن سِييس‌لري يازار من
 

بوُ اوغوردا ادبي سؤز دوزر من
يؤنه ايلكي اوستادلاري يادلاييپ
بوينومداقي بار قرضيمي اوزر من
 

 

روُغصات بيلن ايلكي قارّي اوستادي
خداقلي آق ديپ اوستادينگ آدي
باشلايلينگ سوْنگوني گؤرأيسك بوْلار
هلاكو، الته‌زر، گؤونو‌نينگ شادي
 

قارّيجا آخوني، اسن ساقغاري
توُتاردي توراني قاچان توْقغاري
آرزووي آط بيلن عؤمـور سـورمك دي
آيداردي آط بوْلار عؤمور كؤك قوْري
 

بو اوستادينگ لاقامي هم ميرزه ‌دي
دوُرشي بيلن غايرات ايدي عوُرضا دي
گپ تاپماغا، هر كيمه دوْن بيچمأگه
اوستاد ايدي اؤزي اوُلي درزه ‌دي
 

 

اوستاد يازلي چاپديراردي قاصيري
ينگيپ گيتدي اوستادليقدا عاصيري
بِرردي الميدام سويجي قاتلاما
سِييس‌ليكده يوْقدي كمي- كسيري
 

گلدي بيلن ارازقلي صداقت
اللرينده باردي ميدام يـووروك آط
آط قوْردوريپ داريمدان سوْنگ ميداندا
بـورأردي كِچأني آلتي، يدي قات
 

آق‌اويلي صداقت گلدي‌نگ ذُريادي
سِييس بوْلدي دييپ چيقاندير آدي
ميهمان بوْلوُپ بارسانگ ياشان يرينه
دؤكِر ساچاغينا دوره‌گِي زادي
 

قهرمانليق چاپغي‌سيندا گؤردولر
ايزدي‌گه ژيان ماشين بردي‌لر
گلدي صداقت‌دي اوْنوُنگ سِييسي
يـووروك قيرا، سين ساليبان دوُردوُلار
 

ارازمأد اوْراقچي آدلانيپ گِچيپ
عؤمرو‌نينگ چيراسي اير زمان اؤچوپ
آط اوْغلاني آللام‌بردي تاتارميش
چاپديرجاق آطيني آلارميش سچيپ
 

شامير سِييس، پيخي توماج اوستادميش
اوْن آيلاو هم مايريلماغا كؤپ زادميش
مايريليپ گلأسه چاپغي‌دان سوْنگرا
اوْني بجرمك هم اولي شؤهرات‌ميش
 

قارا آط چاپاردي ارجيك حاجي هم
آللام‌باي آديندا مرجن باجي هم
جمال هلي آدي چيقدي آط بيلن
قالار، چيقار، باردير سويجي- آجي هم
 

تاتارقلي حاجينگ قارا جره‌ني
حايران اِدِردي اوْل سينلاپ گؤره‌ني
آنّا شامير چاپدي بادلانيپ ميدام
اوْن آطا دِگردي دِرلأپ دوُراني
 

ديني حاجي چاپدي كوهي نور آدلي
بوْلاردي ميدانا چيقاندا بادلي
قاراجا ولي هم چاپدي موْرسالي
اؤدك قلي مينيپ فريادلي- دادلي
 

مأمِد جاپاربايينگ آمان ساري‌سي
آط هم بوْلسا يابي سيرات ياريسي
نأچه توْيدا اوُلا چاپان زماني
يانينداقي آطلار قالدي باري‌سي
 

أرمي ‌سِييس چاپدي آلجا ياشاني
يووروك‌ليگني گؤرِن اتمز حاشاني
چاييرچي‌دا چاپيپ بيرينجي بوْلوُپ
بگنديردي خانم دكتر عايشاني
 

حكيم قُلي چاپدي مأرِ‌كأ باقيپ
بايراقدا بار ايدي هوْتازين داقيپ
قير كـوله آبيلي قاممي چاپاردي
نجّاري گلردي بگه‌نيپ بؤكوپ
 

آتابردي يوْموُت نورقيليچ يوْلما
نفس آق بوروگه دييِردي سوْلما
حاللي بردي موشته‌گي هم قُربان مأد
چاپاندا دييِردي بيدرِك گولمه
 

آمان تكه چاپدي بير نأچه بوْزي
گولدوريپ قيراردي شاممي‌نينگ سؤزي
آي مأمِد حاجي هم گلدي مُلا-دا
چاپاردي خوجانينگ شوْلاردا گؤزي
 

هر كيم ديل اوزاتسا خوجا دأده‌مه
من اؤزوم قارشي من بِيله آداما
ديل اوزاديپ  بوْلماز قاهارجانگلارا
آجي‌ دييمك بوْلماز هر بير باداما
 

آتا كسبي اوْغلا دييليشي يالي
بوْلجاق اوْغلان بللي بوْلياندير حالي
ِرِجب قيليچ خوجا دأدأنگ اوْغلي هم
سِييس دير قيرق بأشه يتيشدي سالي
 

قُربانقُلي سِييس گؤكلِنگ پاشايلي
توُراجي چاپاردي دييسِنگ هاي هايلي
شا نظرخان چاپديراندير كيواني
يووروك‌دي ميداندا بايراقلي- پايلي
 

آتا پاقغا مـوشگول جوْرجاني لك لك
چاپاندا كؤپ زمان بوْلاردي‌لار يك
دازلاردان چيقان آط يووروك بوْلاردي
اديپ بوْلماز ييلدام‌ليغنا گُمان- شك
 

دألي مُلّا سِييس بوْلوُپ اؤتِندير
سوْنگرا اوْغلي ايراحمان هم يتندير
كـوله آدلي آطي بيلن ميداندا
توْزاني توْزانا دييسِنگ قاتاندير
 

صحت دألي اؤتدي تلپه‌گين قوْيوُپ
سلطان‌مأد قيزيلجا دونيادن دوْيوُپ
پـورجان‌ خانينگ ماهي شاپسنديني
مجيد خوْجا چاپدي سينديرمان اؤووپ
 

حاجي ماغتيم مراد چيلّه قيزيلجا
چاپديردي بير دوْري چاقان گؤزلـوجه
ماسيل سِييس سارلي ماغتيم اوْبادان
اوُستادليق ادندير شيرين سؤزلـوجه
 

گولدن‌ري ايه‌سي مرادچيلّه دير
قان يوْقماز گؤزونه مِثلي حُلّه دير
صابرا قهرماني قاقا شيخ چاپيپ
دييِردي يوْرتاندا گؤيأ گـولّه دير
 

اِسِن مراد قوُلاق اؤزي بير توْي‌دي
اؤتسه‌-ده دونيأدن تاغان‌لار قوْيدي
بردي تاغان، بايرام تاغان ينه بار
آط برن‌لر كؤپلنچ ال‌لرين چوْيدي
 

آنّابردي بندرشا هم طاهيري
چاپدي آوچي پارتين شاب تك قاهيري
دوْغري سِييس حيله بوْلماز ايشينده
آچيق‌ يـورِك بير دير باطن ظاهيري
 

آدنا صحت خانينگ حكيم كؤرو‌گي
موچه‌سي آوادان يوْغين قوُروُغي
حالت‌قلي پايدار زحمت چِكِردي
بايراقدان قالمازدي آهو قيريغي
 

پاشا حاجي بايرام بردي‌نگ دأده‌سي
تـوركانه سِييس‌ميش آدام ساداسي
آل كوله آديندا يابي چاپيپ دير
توْيخاناميش آط‌لار بيلن واداسي
 

بايرام‌بردي قوُرچاي قاقا سارلي هم
قوْرپوُلجادا بار دير سِييس قارلي هم
سِييس دير، اوستاد دير آطلارا طبيب
بجردي مايريغي بارسيز بارلي هم
 

بايرام‌بردي‌نگ داشي كويزأ آتيلدي
تأزه‌ليكده تني قوما قاتيلدي‌
حاييپ غريب بولوپ گچدي دونيأدن
گچن گويزده بارماقلاري چاتيلدي‌
 

ماشاد يلقي كعبه اوْغلي هم گچدي
نوُرجان صوفي‌نينگ هم چيراسي اؤچدي
عاجاپ خياط اِكِن بو آجال صياد
بايرام چوناغينگ هم كؤپونين بيچدي
 

آراز كسلخا هم چاپدي آط بارين
چِكِر بوُ زمانلار آيراليق زارين
آط چاپيان سِييس‌لر باري بيليأندير
بردي الدن بايرام هؤووردِش يارين
 

اير زمانلار بايتال چاپماق گنگ اِكِن
چاپغي‌دا آط بيلن بايتال دِنگ اِكِن
ايلكي داغدان كچل چاپيپ دير بايتال
توْيخانادا ميدام داوا-جنگ اِكِن
 

چاپدي قاقا خوجا حكيم چالاوي
اسلام هم چاپاردي اوْنكي (12) آيلاوي
هلاكو، هلاكو بوْلوُپ گِچِندير
ارجب شيطانينگ باردي قيلاوي
 

قاممي كوچك يدي سكيز آط بيلن
قوشوُلشمازدي هيچ بير زمان تات بيلن
آط اوْغلاني ارمي قاقا سارلي‌دي
آيلاناردي خالد نبي، چات بيلن
 

هابي قوْلاق شورتا سؤزلري بيلن
جبّار كؤر هم كيچجيك گؤزلري بيلن
اوْن آتار سارلي‌ني آتاو چاپاردي
ايگدير سارلي گـولر يـوزلري بيلن
 

گـورگن حاجي چاپدي شايلان انه‌سين
سيدنياز ييلقي‌سي‌نينگ سوْناسين
آهو آق، گو‌ل‌باهار كؤپلرچه آطي
اِسِن مأمِد چاپدي بيلمِن سنه‌سين
 

شايلان آدلي بايتال آل دأل-ده ساز دي
اوْنوُنگ تكين يـووروك ميداندا آز دي
شادوردي حاجي‌نينگ عؤمور سوْنگوندا
گويز قيشي يتسه‌-ده الميدام ياز دي
 

مأتين حاجي هؤوور آطلار ساقلادي
گـويچ جان خوجا اؤز حاقيني حاقلادي
آق‌اؤيلي حاجي‌نينگ يـووروك سيما‌بين
قاقا خوجا شؤ‌وور بريپ قاقلادي
 

 

دوُردي كؤسه‌لي‌نينگ قلبي توُتوُلدي
سالار يك بوْلاندا بيردن ييقيلدي
عؤمرو‌نينگ چؤپ ساني قوُتاران اِكِن
گؤزلري باغلانيپ بارماق چاتيلدي
 

قاقا امنيه هم چاپدي بوْز جاني
شاهيرينگ توْيوُندا دؤكـولدي قاني
اوْن ايكي آيلاودا چاپيپ گلن سوْنگ
چيشيپ ياريليبان بِرِندير جاني
 

مشريقينگ جميله، صحرا، سردارين
آنجان آونيق چاپدي ينه-‌ده بارين
حميد بيچارأنينگ چيتاسي بيلن
اسن مأمِد آلدي سِييس‌دن عارين
 

نازدوُردي اوچمه‌گي چاپدي عباس موُرت
آنگري‌‌سين بيلمه‌يأن بوْلسا گِرِك كـورت
دييِرميش اِدريسه داريمدان سوْنگرا
باشارسانگ اوستونه قالينگ كِچه اؤرت
 

دولت حاجي آطلار چاپدي ياش بوْلوُپ
قالماز ايدي هيچ بير توْيدان داش گؤروپ
كدخداليق ايش‌لر ادِردي ميدام
آط اوُغروُندا آق‌قالالا باش بوْلوُپ
 

ايندي بوْلسا سِگسِن بأشه يتندير
يتمه‌سه‌-ده سِگسِن‌دِنأ اؤتِندير
حأضير‌كي ياغداي‌دا ياش اوُلي بوْلوُپ
سؤزي قايتمان ايسلگ‌لري بيتِندير
 

قينانچ بيلن دولت دأده هم اؤتدي
دييپ آق‌قالادان خاباري يتدي
سگسن ايكي ياشا يتيپ اؤتنميش
آيات-پاتاسينا شاهير هم گيتدي
 

كؤمك جاپار بايينگ دوْر آلا گؤزي
ساري قوُلاق سِييس يؤرأردي سؤزي
كريم ايشان قاپان آط اوْغلاني‌دي
قهرمان بوْلاندير تهرانده اؤزي
 

حاجي گلدي آخون عالم جهاني
مُلا قوُمّان چاپديراندير ماهاني
عبدالرحمان كلته الميدام آيدار
شاريس نازا قويوُپ بوْلماز باهاني
 

بندرده اوْتوُريپ سِييس دير ايردن
پاتا آلاندير اوْل اوستاددان -پيردن
گردباد، تُندباد‌دان اؤنِن كـورّه‌لر
ميداندا پاييني آلاندير شيردن
 

چاپديراندير آرچا حاجي جِره‌ني
حيران ادِردي اوْل سينلاپ گؤره‌ني
قاقا خوجا چاپيپ بايراقدا باردي
حاييپ آز بوْلاندير عؤمور سوره‌‌ني
 

دكتر جهاني‌نينگ مارگير، كوممدي
آخوندي هم باردي كؤپدي قيمّاتي
قهرمان بوْلاندير بير نأچه توْيدا
سبأپ بوْلدي اِسِن مأدينگ همّتي
 

قاراووُل تأجي‌ني چاپاندير كؤچك
گِلردي گؤكلنگ‌دن قاتلاما ساچاق
اقبال قوشونگ گؤنگه اوُچمالي ايلكي
آطي قاريلاسا برردي پاچاق
 

قاقا صالح‌پور هم چاپدي سحري
كلته بوْي هم بوْلسا گلمأن قاهاري
آط اوْغلان سِييس‌ميش ياري همدمي
اييِرميش سِييس‌لر بيلن ناهاري
 

ايراخمان آلبا هم شيرينگ بچه‌سين
دورلي ناغشا سالان آقجا كچه‌سين
تابشيردي اوْل اسن مأمِد سِييسه
دوخون چاپيپ آغلاداندير نأچه‌‌سين
 

گچدي كعبه ايشان كـورّه داريديپ
مينيپ باريان اؤز آطينا ياناديپ
ميرزه هيوه‌چي هم غفور آطيني
چاپدي ميدانلاردا يوْقدان بار اديپ
2

آمان هيوه‌چي‌نينگ جالليق آديندا
قاقا خوْجا چاپدي كؤپونگ ياديندا
گؤچوره‌ني چاپدي قاممي كوچك هم
آط بوْلاردي ايلينگ كؤنگول شاديندا
 

مجيد قارا سِييس شوْرتا دير، ياز دير
آرازقلي خان تك يوْلداشي آز دير
آطي چيقيپ بايراق آلان زماني
اوْل گيجه چاديري آيديم دير، ساز دير
 

اخمد گري لالجا سِييسينگ گؤزودير
أر كيشي‌نينگ اعتباري سؤزودير
يؤنه شوْل زاد بير نأچه‌ده قيت اِكِن
ينه دوْغري آرازقُلي‌نگ اؤزودير
 

عبدي خوجا چاپدي دانيال دوْري
پيخم توسّلي‌نگ ناهيد تك قوْري
اوْد سالدي ميدانا چاپان زماني
باقيمي يتيپ-ده بار ايدي زوْري
 

دوْغوُردي چكاوك آدلي نازنين
تاريپين يازماق هم اؤرأن مانگا قين
تاقي دميرچي‌ني يتيردي عارشا
يـووروك‌دي، تاي‌سيزدي، گرِك دألدي سين
 

سِييسي قول مأمِد، كوچك دير آصلي
قايغيرمان چاپاندير باهار، گويز پاصلي
چكاوكينگ خانازادي گؤكلنگ‌ده
تأج مأمِد خوْجايا اوُرياندير نسلي
 

ناز‌نين دوْغوُردي سوْنگرا طلّاني
ميشيكا آديندا يـووروك بلاني
چاپاندير بوُلاري اوْنكي سِييسي
ايه‌لرنه اديپ گنگش صلاني
 

چوْپان‌باي، گول پاني، گـول ساري بايي
بگ خان هم هلاكو آطلارينگ آيي
چوْغارلاردان آقين‌حاجينگ يـووروگي
بنفشه چاپاندا تاپيلماز تايي
 

بنفشه‌دن گول بنفشه دؤره‌دي
گـول اندام، گـولنام‌لار سوْنگرا گـوره‌‌دي
خدربردي آقين‌حاجي گؤك بوْلوُپ
آط چاپيپ ميداندا حقين سوْرادي
 

قيليچ‌دوُردي چوْغارلارا باش بوْلوُپ
كدخدا آديني آلدي ياش بوْلوُپ
حاجي ‌فر‌جي‌نينگ پشكش آطيني
چاپاندا چيقاندير آرا داش بوْلوُپ
 

ينه خدربردي ژينوس طاهيري
بردي قاقا خوجا‌ سِييسينگ ماهيري
مجيد خوجا پژواك جهان‌ديدأ‌ني
چاپيپ پژواك قالقينديردي شاهيري
 

پژواك جهان‌ديده دوْقوُز آط بوْلوُپ
گول بنفشه گيتدي نأچه تات بوْلوُپ
بازار حاجي مُلا قوُمّان بينايي
تهراندان قايتدي‌لار آلتي قات بوْلوُپ
 

سبأبي پژواكي بيرينجي بوْلدي
شوْندا گؤردوم وكيل ايرنگكي سوْلدي
بايراقدان داشغاري بريلدي يخچال
مجيد خوجا سِييس ييلغيريپ گـولدي
 

يؤنه وكيل ايرنگكي هم سولسا-دا
ايكينجي بوْلدي ديپ دوُشمان گولسه-ده
جهان‌ديده يـووروك غايراتلي بايتال
آدي ياددان چيقماز هر واغت اؤلسه-‌ده
 

اؤدك‌قلي، خوجا بهمن‌شير بيلن
آد قازاندي شؤو‌ور بريپ اير بيلن
ييلدام‌دي الله ديپ اوُغراندان سوْنگرا
يتديرمزدي تـوپِنگ آتسانگ تير بيلن
 

علي خوجاملي هم دايانا، دوودي
وات سيكرتي گؤرِن آتچي‌لار اؤودي
سالاري ميدانا چيقاندا گؤرسنگ
دِگردي اوْن آطا ساغيرسي بوُدي
 

كوچك‌دن چاپاندير قير دوْري گأري
ييلقي‌سيندان گـورأپ گلياندير باري
حاجي مُلا صفايي دير ايه‌سي
كؤپدور آط اوُغروُندا ناميسي عاري
 

سميرا آديندا بير توْزان توُردي
توْيلي قُرباني هم دِوران‌لار سـوردي
سؤيـون غراوي‌نينگ اخلاصي بيلن
فريدون يتديرمز درجه گؤردي
 

سميرا يـووروكدن دوْغدي قهرمان
كبري تكين يووروك گؤرمه‌دي زمان
قاقا نيازي‌نينگ تأصيبي بار دير
آلجاق ديپ گله‌نه برمه‌دي آمان
 

شاپرگي بابا قيليچ خوُرمالي
چاپديراندا حؤكمان ميليس قوُرمالي
دييردي دوْست‌لاري بندردن گليپ
علي حاجي نأمه دييسه دوُرمالي
 

علي حاجي چاپدي آشير آداني
كريم حاجي اويشـورِردي ياداني
قارا كـوردي حاجي كؤپ آط چاپديردي
آيداردي ساقلانگيز قانون- قاداني
 

يـووروك ايدي كريم حاجينگ پرويزي
ميداندا بار ايدي ياز بيلن گـويزي
آنگيردا چؤرِك‌‌لي، ايچرسي دوْلي
ميهمان قوُللوُغيندا اوْغوُلي- قيزي
 

كريمينگ آقاسي عبدي جان حاجي
اوْغلوُنينگ باشيندا پيغمبر تاجي
ييلقي‌سيندان يـووروك آطلار چيقاردي
ميدانا گيرنده برمزدي پاجي
 

گـولنار ميلاد بوْلوُپ توْيدا چاپيلدي
تندرو،  سعادت‌لار شوْندا تاپيلدي
سارلي قاقا، بردي اوْل غفور حاجي
دوُردي ‌ناسينگ شير ساقغاري دوْپوُلدي
 

ايرخي قديمي‌نينگ بهرامي سازي
آقي ‌چاريقلي‌نينگ كـوللـوجه يازي
عطا حاجي آرّخي‌نينگ آطلاري
پارخ اتمز چاپاندا كؤپ‌لـوگي آزي
 

نورجان حاجي آد- آبيراي آلاندير
آل ساقغار پشكشي توْزان سالاندير
آصلي دويه‌جي دير شاهيرينگ دوستي
أر ييگيت دير اسن مأمِد بيلندير
 

نورجان آونيق چاپدي راوْل تهراني
كارسياني، كاتالياني، مهراني
دهدشتي‌نگ آطلاري بايراقدا باردي
قُرباندوردي چاپدي عقاب صحراني
 

عبدالرحمان عرب قارّي حاجي‌دان
ويس ناز‌نين دير اوْني قاجيدان
قارلي مولام ايكي دوْغان چاپدي‌لار
دانگدان اؤرِردي‌لر نارلي‌آجي‌دان
 

آنّا محمّد هم نار آغيز باشي
آطچي‌دان دوْلوُدير الميدام داشي
گـول‌جهاني چاپدي مجيد جان خوْجا
آبيراي آلاندير ساغ بولسون باشي
 

خليل خوجا سِييس بوْلوُپ يتيشدي
توْيجان ايري‌نگ ناديكاسي آتيشدي
يـووروك بوْلوُپ پارتيزاني تاتاري‌نگ
اؤزي يالي آطلار بيلن قاتيشدي
 

جليل هيوه‌چي‌نينگ زرّين باليني
فرهاد قيزيل چاپدي بيلمن ساليني
متين نيازي‌نينگ سُلطاناسيني
يـووروك ديپ ابراهيم سيپار ياليني
 

محمّد ايمرينگ برليانيني
چاپجاق واغتي ميليس قوُروُليانيني
مأمِد توماج سِييس آيداردي بيزه
آطي قالسا قاتي بوُروُليانيني
 

آوازا برليان، دوغان بير جرن
حيران قالارديلار مـوچه‌سين گؤرِن
محمّدينگ يـوره‌گينه داغ ساليپ
عؤمري قيسغا بوْلوُپ گِچِندير اؤرأن
 

مُلّا ستّار چاپديراندير سرداري
آرپا كِپِك ساتماق بوْلسا-دا كأري
حاجي‌گلدي خوجام‌لي‌دي سِييسي
سـويِنِنده يادينگا سالاردي ماري
 

سيلور بوْلدي سُلطان بانو اورباني
چاپدي غفور آقا تويلي قُرباني
آط اوْغلانا تابشيرغي‌سي بوْلاردي
چاپديرار سن آطا قامچي اوُرماني
 

يوسف آق چاپاردي آي‌دِپِل قيري
ساغريسي ديك ايدي كلّه‌سي سـويري
غفور آق بير يرده دوُرا بيلمزدي
چاغيريپ خوجاني ايشاني -پيري
 

كهربا ايگديري جاي‌لي چاپاردي
آط دنگيندن گچجك بوْلسا قاپاردي
بيرينجي بوْلاندا اسن مأد كوچك
قربانقلي امام خاني تاپاردي
 

ژِنيرال ويشكاني چاپدي نوربردي
يـووروك‌ليگين صادق ايه‌سي گؤردي
آلتين عاصير بيلن يعقوب آوري
حاجي نوايي هم دِوران‌لار سـوردي
 

آق‌اؤيلي علايي چاپيپ فرنازي
بيرينجي بوْلاندا چالديردي سازي
شتاب هم بايراغا باران زماني
شاد بولاردي مُلا شابردي راضي
 

آق‌اؤيلي علايي‌نگ دوْغاني نادير
دييردي بيزده هم بلموند يزد بادير
آطلارينگ زحمتين چكمك بيز بيلن
يوْقاردا كِرِم‌لي اؤزودير قادير
 

نورياغدي حكيمينگ ماهيم جانيني
بيرينجي ادندير بيلمن سانيني
نوربردي‌نينگ آلكاتِلي يـووروك‌دي
آرتديردي تهراندا شؤهرات شانيني
 

مجيد خوجا خليل چاپدي ماياني
آرا آچيپ گچدي خطي پاياني
شاهيرينگ باشينا قيزغين هوادا
قهرمان بوْلوُبان سالدي ساياني
 

شاهيرينگ ييلقي‌سي بار دير هؤ‌وورلي
ياتاغي مكاني باغلي سؤ‌وورلي
آلكاتل پشكش‌لر شوْندان اؤنِندير
كؤروك‌لي اوْبادا توْقاي بؤوورلي
 

اسكناس هم يـووروك آط بوْلوُپ گچدي
جبّارينگ اِم‌لري اوستوندن دوشدي
صوفي‌ گؤك‌دي چكاوكينگ ايه‌سي
تأزه‌ليكده عؤمور چيراسي اؤچدي
 

حاجي مرد باردي گـولكونچ دي، ياز دي
آيديم آيدان واغتي تاياغي ساز دي
توُواق بردي كتده سوخان توماج هم
آط چاپاردي يؤنه قازيغي آزدي
 

تـورك‌دن بير سِييس بار مهدي دير آدي
جسيكا، مهدي‌يار كؤنگلـو‌نينگ شادي
كيش‌ينگ آداسيندا چاپغي بوْلاندا
حق آلماق اوُغروُندا ايله‌دي دادي
 

حكيم خوجام‌لي هم اؤويأندير اؤزون
ديك دوشدي سييس‌دير ياشيرماز سؤزون
ملّا مرجان خانينگ ياقوتي چاپسا
سييسي احمدجان ساواماز گؤزون
 

آنّاگلدي آنجان اول ساري آونيق
حاجي‌موخد، نورجان هم باري آونيق
ارازجان ينه-‌ده بوْلسا-دا بار دير
ايري‌سي بوْلسا-دا دنگ ياري آونيق
 

توماج‌دان، قيزيلدان، ساقغاللي، كم‌دن
آطلاري چاپاندا باسيلماز دم‌دن
سبأبي آطلارين يـوزدوريپ سوُودا
اوُللانيپ باليغينگ ياغي‌ دِك اِم‌دن
 

هايسي سِييس هايسي آطي چاپانين
بيلمه‌ديم من كيمي دپيپ قاپانين
گناهيمي گچسين آشاقلي سِييس
شاهير چأره تاپمان يازدي تاپانين
 

حأضيركي ياغداي‌دا كـويه گلن‌لر
شوُلار ايدي يازديم دييسين بيلِن‌لر
آطا تاريخ دييپ سگسن‌لنجي ييل
يازدي « سرخوْش» بيلسين يـورِك ديلِن‌لر
 

 

ايندي قديم زمان كوممد، امبار اولوم، آق‌قلا، بندرده آط چاپيليان ميدان‌لار قوُروُلماقا توركمن شهر و اوْبالاريندا توي توتوپ آط چاپيلجاق زماني (قينانج بيلن آشاقي دريا بوْيوُ‌نينگ ياش اوُلوُ‌لارينا يتيك‌چيليگيم يوْق، اؤتونچ ايسله‌يأن) باش بوْلوُپ قاتناشان آداملارينگ آديني آط تاريخيندا سند بوْلوُپ قالسين دييپ ييگريم آلتي سطير قوْشغي بيلن يادلايين:

 

قديم زمان چاپغي قوُروُلجاق بوْلسا
ايلينگ سالاسينا دوُروُلجاق بوْلسا
ياش‌اوُلوُ‌لار پاتا بررميش ايلكي
آغزي بيرليك توْيي يؤرولجك بوْلسا
 

امين تايين بوْلوُپ توْيي باشلاردي
ييلدام آط اوستونده قولپاق ساچ‌لاردي
سويرنتگي‌قاوجاق ديپ يووروك آط مينيپ
ميدانينگ ايچينده قوْجا، ياش‌لاردي
 

آتاباي‌دان نور امنيه گلردي
جاپار خالوات ياشي اوُلي بوْلاردي
ماشاد سالاق، آرازقلي شوروي
توْيا باشليق آق‌قالادان شوْلاردي
 

جاپارباي‌دان بيلمه‌نم من كيم باردي
توُراج، آونيق، ايري، يادا ‌كم باردي
ياش بوْلماسا اول زماندا گُمانيم
حكيم‌قلي قارا كوردي هم باردي
 

شاهيرينگ آتاسي تـوركمن توْيوُندا
تاغان دوُردي آدي ييغناپ اؤيونده
آتاباي، جاپارباي، قان يوْقماز قوْجوُق
مصلحت اديبان چايينگ بوْيوُندا
 

آنّا قاصير بيلن ساتانلاق ساري
تاقي كسه بورون، نجّاري باري
بايرام‌دوردي قوجوق، حالات‌قلي خان
سليمان هلاكو، تكه‌دن چاري
 

كوممد شهرينده چاپغي بوْلاندا
چار طاراپدان توركمن آطي دوْلاندا
آدين توُتانلاريم ياش اوُلي ايدي
حوْرماتي بار ايدي توركمن چؤلونده
 

عوض‌حاجي كوچك توْي بوْلسا باردي
غفور حاجي سارلي چاپغي‌دا ياردي
الله‌قلي خان هم ايگدير ايليندن
سؤزونينگ ايزيندا تاپيلان أردي
 

حاجي مأمِد لاغار دويه‌جي باشي
قُربان شادي ياقين ادِردي داشي
توْي بوْلسا ماراوا اِمِّنت‌دن گليپ
قاتناشاردي توْيا اوْرتادي ياشي
 

اسكندردن تاغان قيزيل ديش گليپ
قان يوْقماز توْيوُندا ايله‌ باش بوْلوُپ
قوْجوُقدان پهلوان حميد جان بيلن
پـورجان خان بار ايدي ييلغيريپ گولوپ
 

دازلاردان بار ايدي سؤيون جورجاني
بار ايدي گؤكلنگينگ شانظر خاني
حاللي شير مأمِدلي بايرامقلي باي
خوجام قيليچ تكين چؤرِك‌لي هاني؟
 

بوُلار ايدي توركمن توْيا سركرده
باردي آتام چاپغي بوْلسا هر يرده
ياددان چيقان كؤپدور اؤتونچ ايسلأرين
بوُ ياشدان سوْنگ هوش هم قالماندير سرده
 

ايكي يوز قيرق ايكي سطير قوْشغيني
يازيپ يورِك‌لرده آطينگ عشقيني
قالقينديرديم سند بوْلوُپ قالمالي
«سرخوْشينگ» يادگار دوُيغي جوْشغوُني
 

  این مقاله را با فرمت PDF نشان بده چاپ مقاله فرستادن مقاله