SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
سوْراغ و جوْغاپ

گؤكجه يوْلما شاهيردان ادن سوْراغلاريم

و اوْنوُنگ بِرن جوْغاپ‌لاري

 

                                                                                            سوْراغ

بيزدن سلام بوْلسوُن گؤكجه شاهيرا
منافق‌دان بتر كافر كيم بوْلار؟
دستان باغلان عاشق زُهره طاهيرا
مُلانِفِس تكين شاهير كيم بوْلار؟

                                                 جوْغاپ   

بيزدن سلام تاقي جوان شاهيرا
دينه داوا اِدِن، كافر بوُ دوُروُر
سؤزوم قيسغا تيزدن يِتِر آخيرا
كمينه، شابنده، شاهير بوُ دوُروُر
                                           

                                                 سوْراغ

نامه ديپ كؤپ بوْلدي قيزينگ باهاسي
اوْن تـومِنه يتدي آرپانگ هاپاسي
قالمادي اكيلمأن داغلار دپه‌سي
بهيشتي‌ مي‌لرده ساغر كيم بوْلار؟

                                                 جوْغاپ

باها بوْلسا كؤپدور قيزينگ صفاسي
زمانا باغلي‌دير آرپانگ باهاسي
اكِه‌دير آدامزاد كؤپدور هِوأسي
جنّتده حور غلمان ساغر بوُ دوُروُر
                                          

                                                  سوْراغ

قيز باهاسين تاپا بيلمز نيچه‌‌سي
آيرا ايل آلماغا گيدر اجه‌سي
قاچماق پيكره دوشِر ايلكي گيجه‌سي
بوُ گلنه قوُوانان مادر كيم بوْلار؟

                                                 جوْغاپ

غريب‌ليقدان قالينگ تاپماز نيچه‌‌سي
غايري طايپا آليار يوْقسوُز بچه‌سي
ايت‌له- پيشيك بوْلار ايلكي گيجه‌سي
آقماق‌ليقدان آلان مادر بوُ دوُروُر

 

                                                  سوْراغ

 آرازا توُتارلار اوْغوُرليق مالدان
ربّيم گؤركِز‌سه‌-ده قاييتماز پألدن
حاساپ اديپ گؤرسنگ گِچِندير سالدان
بوُ حاسابي يازان ناظر كيم بوْلار؟

                                                جوْغاپ

روزه توُتوُپ زكات برسه ماليندان
زمانا دوْغرالار قايتسا پأليندن
ياغشي يامان تانيپ بوْلماز ساليندان
پريشته‌لر بار دير ناظر بوُ دوُروُر

              سوْراغ

 نأچه‌‌لري عالم دييِر اؤزونه
هيچ اعتبار بوْلماز دييِن سؤزونه
حرام ادِر قارا چكيپ يوزونه
شيله مسلمان‌دان كافر كيم بوْلار؟

                                                 جوْغاپ

عالم هم آدام دير بوْلا دير عاصي
عالم‌لارا يامان دييمك دير پيسي
زناكار، قوُمارباز، عاراق‌خور ايسي
مسلمان‌دان آزان كافر بوُ دوُروُر

                                               سوْراغ

حرام‌دان حلال‌دان ييغنارلار مالي
نيچيك گِچِر بِيله آدامينگ حالي
چؤلده سوُوسوُز قالان دويه‌لر يالي
حاقا قانع بوْلان صابر كيم بوْلار؟

                                              جوْغاپ

قاچمازلار حرام‌دان ييغنارلار مالي
اوْل يرده قين ارميش شول كسينگ حالي
ياقمازدان ياش دؤكسه اصحاب‌لار يالي
عبادات‌دا بوْلان صابر بوُ دوُروُر


                                            سوْراغ

كؤپدور آيدار بوْلسا «تاقي‌نينگ» سؤزي
ديشيمده گؤروندي انورلي يوزي
اوْرتا بوْي، ساقغاللي، مهربان گؤزي
ماغتيم‌قوُلي تكين شاهير كيم بولار

 

                                          جوْغاپ

آد قازانان شاهير ماغتيم‌قولي دير
اوْني مشهور ايلأن شيرين ديلي دير
توركمن ملّتينده گؤكلنگ ايلي دير
گؤكجه يوْلما سؤزوم حاضر بوُ دوُروُر

 

گؤگجه يوْلما شاهيرينگ بيزدن ادن سوْراغلاري

 و بيزينگ بِرن جوْغابيميز

 

                                             سوْراغ

سؤال سوْرسام شاهير اوْغلان تاقي‌دان
خابار بِر اسلام‌دان ايمان نامه دير؟
نچـوين چيقدي آدام جنّت باغي‌دان
آدامينگ دوُشماني يامان نامه دير؟

                                           جوْغاپ

بِرسم جوْغاپ شاهير گؤكجه يوْلماغا
ايمانينگ پاياسي شوُ بأش زات بوْلار
شرطي دير هر كيمسه مؤمن بوْلماغا
بيز طاراپدان سانگا شيله ياد بوْلار

نماز دير اوّلي، ايكينجي روزه
بي‌زكاتينگ مالي منگزشدير بوُزا
محتاج دير طاغام‌لار بير مقدار دوُزا
حج بيلن جهاد هم شوُلار تك بوْلار

شو بأش زات دير بير سوْراغينگ پاياسي
قيرق دؤرت دير قرآندا گِلِن آيه‌سي
بوُغدايي اييديردي ملعون آلاسي
آدامينگ دوُشماني شيطان‌تك بوْلار

                                            سوْراغ

اوْل نأمه دير يوْقدوُر اوْنگا شِركِت
اوْل نه ييلديز ايله‌مه‌يأر حِرِكِت
اوْل نأمه دير آصلا بوْلماز بِرِكِت
گؤگِريپ قوُرييان سامان نأمه دير؟

       جوْغاپ

اوْل خداي دير يوْقدوُر اوْنگا شِرِكِت
كؤپ يلديزلار بار دير اتمز حِرِكِت
بوْلماز حارام مالدا هيچ واغت بِرِكِت
قارّييان جوانلار سامان ‌تك بولار

                                           سوْراغ

اوْل نأمه دير بأش واغتدا سس‌له‌نِر
اوْل كيم‌لر دير اوْل دونيأگه بسله‌نِر
كيملر اِرِر اؤلِندن سوْنگ پس‌له‌نر
لرزانا بولونيان دوُمان نأمه دير

        جوْغاپ

اوْل آذان دير صوپي‌لارينگ صداسي
اوْل مؤمن‌لر محمّدينگ پداسي
اؤلندن سوْنگ كافرلارينگ جزاسي
ياغتي جاهان اوْنگا دوُمان تك بولار

 

                                             سوْراغ

آريق سوُولار سويت‌لر چشمه بال‌لاري
بي‌حاساپ دير ميوه‌لري گول‌لري
قارّيمازلار ييگريم بأشده سال‌لاري
صاپالي دوران‌لار آمان نأمه دير؟

        جوْغاپ

آبي حيات زمزم چشمه دييگه‌ني
قارّيماز گول ايسغاپ ميوه اييگه‌ني
دائم العُمر صاپالي جاي دييگه‌ني
بهيشت دير باغلاري ارِم تك بولار

 

                                              سوْراغ

گناهكارا قيل‌تك بوْلوُپ ياتا دير
كيملر بوْلار ييلديريم تك اؤته دير
اوْل كيم‌لر دير ييلان ايچيان يوُتا دير
قيزغيني ساويغي يامان نامه دير؟

                                             جوْغاپ

صراطينگ كؤپروسي اينچه دير قيلدان
تيز گِچِر مؤمن‌لر شيله بير پُلدان
حريص بايلار گِچه بيلمزلر پوُلدان
قيزغين ساويق جايلار دوزخ‌تك بوْلار
                               

                                            سوْراغ

بو دونيأدن خبر برگيل ينه‌-ده
مُحمّد گِچِندير هايسي سنه‌ده
اوْل نه تيكن باتار جانا، تنه-‌ده
قيزيقلي قوُروُلان زمان نأمه دير؟
                                      

                                           جوْغاپ

اوْن بيرينجي هجري قمري ييلدا
مُحمّدينگ گِچِن سنه‌سي موندا
بوُ فاني قيزيقلي قوُروُلان گـونده
آجي سؤز آداما تيكِن ‌تك بوْلار

                                          سوْراغ

گؤكجه يوْلما نامه حيواندا اوُلي
اوْل نه حيوان اِرِر گِزِه دير چؤلي
اوْل نه كيچي بوْلوُپ قوْرقوُزار پيلي
بدني قاپيرجاق چامان نأمه دير؟

                                           جوْغاپ

كيچي دير كرگدن قوْرقوُزار پيلي[1]
اوْل جرن دير گزِر الميدام چؤلي
باليق و ييلان دير حيواندا اوُلي
چاماندير پيشباقا ياشيك‌ تك بولار

تاقي سن ديلينگي اوُزاتما  هر يان
كؤپ سوال‌لار بوْلار آرادان جريان
ياشيرما سؤزله‌گيل سؤزونگي عُريان
سنينگ دوْستونگ ينه گؤكجه ‌تك بوْلار




1. «پيل كرگي گؤرِنده پيشيگه دؤنر» (آتالار نقلي)

  این مقاله را با فرمت PDF نشان بده چاپ مقاله فرستادن مقاله