SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
كوپدور گلن

                       كوپدور گلن

گينگ جاهاندا گينگ پيكيرلي ياشانلار
ياديگار قويوُپدير اؤلمزدن ايلكي
عِرفانينگ بامينا چيقيپ آشانلار
خدايا ياقينلاپ پير ايميش بلكي

پير دييديگي ياقين دوُرار خدايا
حقيقت‌دان باشغا گؤرأيمز گؤزي
رحم‌لي دير ميدام مسكين گدايا
يا ربّيم، يا الله! بوْلياندير سؤزي

عِرفانينگ بامينا چيقان عارفلار
كؤپدور ربّ شِمالي اؤسِن ايل‌لرده
عطار، مولانا تِك اؤتن ماريف‌لار
اثرلر قويوُپدير پارسي ديل‌لرده

بو الحسن خرقان، بايزيد بسطام
بار دير ينه آد قازانان شاهيرلار
شمس‌الدين محمّد حافظ دير بِنام
عُمَر خيّام، جامي تكين ماهيرلار

عارف شاهير بارميش اوْل جلال بلخي
عرفان چشمه‌سيندن قانيپ ايچيپ دير
سعدي‌نينگ بوستاني بوْلسا-دا پارخي
دونيأ ياغتي ساليپ عؤمري گِچيپ دير

بوُلار عارف هم شاهير دير اثرلي
يؤنه فردوسي تِك انه ديلينه
توركمن‌دن بير اوستاد گِچدي كِسِرلي
اوْل هم ماغتيم‌قولي توركمن ايلينه

عرفان سؤزون قوْشغي بيلن يتيردي
انه ديلي ييتيپ گيتمه‌سين دييپ
شاهيرلارميز بوُ گون ساوغات گتيردي
ييل دؤنـوم، دأپ‌لر‌ي ييتمه‌سين دييپ

آرزو اديپ يوْموُت، گؤكلنگ، تكأني
تؤره‌تي‌ده‌ خَرمَن قوُران پيراغي
بير بوْلسوُن ديپ قوْللاپ غريب يكأني
آق توْقاي‌دا اؤچدي عؤمـور چيراغي

كؤپ يرده سؤزلأپدير يورِك دوُيغيني
كم‌ليك بيليأن اكن آيتمان اؤله‌نين
آخرت خوفي‌ميش ديسِك قايغيني
اوْل سبأپ‌دن آيديپ كويه گله‌نين

عشق اوْدوُنا بريان دييِن سؤزونده
ايل مالينا، اوْل حالينا گريان‌ميش
قيامت‌دان قورقوپ توركمن دوزونده
قوْرقي، اميد آراسيندا حيران‌ميش

نصيحت اديپ‌دير توركمن ايلينه
مردلرينگ يوْلوندا جان برينگ دييپ
سخاوت قوُشاغين باغلاپ بيلينه
پاخيرا-مسكينه نان برينگ دييپ

شهيد اتدينگ دييپ حسن-حسيني
كربلاني يادلاپ گچن يري بار
آرزو اديپ شوْلانگ بولان اؤيوني
بير الله‌دان ديلِگ ادن سري بار

نثار اديپ جانين شاه مردانا
وصف اديپ علي‌نينگ ذوالفقاريني
دونينأنينگ دؤرت كونجون گزيپ گردانا
مسلمان اديپ دير كافر باريني

بير يرده حالينگا شُكر ايله دييپ
آيديپدير رزق اوچين قايغي‌لي بوْلما
الله‌نينگ آديني ذكر ايله دييپ
يازيلان تقديرا ساراليپ سوْلما

مختومقلي كؤپ سؤز آيديپ هر باب‌دان
پأهيمي گينگ گرِك قين‌دير بيلردن
حديثي-قرآن‌دان، كوثر شراب‌دان
ماغني سچسين توركمن قايرا-ايلِردن

ايكي يـوز هم يتميش ييل‌ليق توْيوُني
پأك توْپراقلي مزاريندا توُتارلار
بِزأپ شاهير عالم‌لاردان اؤيـوني
قوْشغي بيلن وصفين گؤنگه گؤتأرلر

ماغتيم‌قوُلي كؤپدور گِلِن يانينگا
توركمنستان مِيليسي‌نينگ باشليغي
گليپ دير سؤزلأرلر سنينگ شانينگا
پارخ اتمز موُشتاقا ياقين داشليغي

ايراندان هم اوُلي باشليق‌لار گليپ
آچدي‌لار قوُرساقدا بار بوْلان گنجين
سن عارف شاهيرينگ حوْرماتين بيليپ
ياديندان چيقاريار داش يوْلوُنگ رنجين

بيز هم سنگ آدينگا بُنياد قوُراديق
عالم، شاهير، يازيجي‌لار جم بوْلوُپ
سن اوُستادا مُريد بوْلوُپ دؤره‌ديك
عالم‌لار يانيندا «سرخوْش» هم بوْلوُپ
 

  این مقاله را با فرمت PDF نشان بده چاپ مقاله فرستادن مقاله