SmartSection is developed by The SmartFactory (http://www.smartfactory.ca), a division of INBOX Solutions (http://inboxinternational.com)
تالیفات > شوردان تاپیلدی > ناشُكُر گداي
ناشُكُر گداي
ناشُكُر گداي

 

كؤپ اؤتـوم‌لي يوْل اوستـونده بير گداي
ناشُكُرليك اديپ دييدي: اي خداي
آغلاميشلاپ ياراوسيزليق حال بيلن
گِچِر عؤمروم اليم سريپ سال بيلن

بي‌دولت‌ليك يِلينگ ساماني بوْلوُپ
توْزييار من هر گـون ساراليپ سوْلوُپ
بير عؤمـورلاپ دؤزدوم گؤزومي سـوزوپ
بير باليق تاپماديم دريادا يـوزوپ

زار اديپ سن بيرجه ديشلِم چؤره‌گه
نه زياني باردي بِرسنگ دره‌گه
قاپي‌لار آغزيندا كؤپ زمان دوُروُپ
قاوديلار نأچه‌‌سي سؤووبان اوُروُپ

چـويروك چيقدي ايشِن ارشيم اوْزالدان
پاييم يوْقدوُر منينگ سوْنا گؤزِلدن
بردينگ خَلقا ميدام ياغلي بؤره‌گي
نه بوْلاردي مانگا بِرسنگ چؤره‌گي

عؤمرومده بير تأزه تـويه گيرمه‌ديم
تيكِنيندِن قوْرقوُپ بير گـول تيرمه‌ديم
نظر سالغيل تره‌زينگه اي خداي
بارلي اتدينگ بارچا خلقي، من گداي

قيزينار من قيشدا يـورِك اوْدوُما
دوشِك بوْلار قارلار ساغري بوُدوُما
آزاشيپ من دوْغري يوْلا سالمادينگ
من پاخيري نظرينگا آلمادينگ

حؤكوم اتدي جبراييلا اول خداي
ايش اوُغروُني بيلسين ناشُكُر گداي
دونيأيه دگرلي باردير ماتاسي
قاچغين گـوني ايشدير شوْ دوُر خاطاسي

لبّيك ديپ آيتدي ربّينگ سؤزوني
اول مسگينه قاراپ دييدي يـوزوني:
دوْغري يوْلدوُر حق جليلينگ يوْل‌لاري
بير أديم گِل حق هم گلسين اوْن‌لاري

اخلاص بيلن تانا بيلسنگ جليلي
قُدرت بيلن گـويچلنديرِر ذليلي
بارچا زاد بِرن‌دير خلقا خالقي
توْر آتماسانگ توُتوُپ بوْلماز باليغي

ايشله‌مأگه الينگ، گؤرمأگه گؤزونگ
بِريلدي ديل ياغشي سؤزله‌گيل سؤزونگ
آياق‌لار بِريلدي دوْغري يؤرمأگه
عقل- هوُش بِريلدي دِوران سـورمأگه

گؤز بِريلدي بوْلسوُن يوْلوُنگا چيراغ
گـويچ - قُوات بِريلدي ايشينگه ياراغ
بير قيسيم توْپراق دير آصلينگا پيكر ات
مخلوق سن اي بِدباغت خالقا شُكر ات

سن توْپراغا دِم بِريليپ جان ايندي
نِيچيك بوُگـون رب‌دِن نَظَرينگ سيندي
كيمينگ رزقي يتمان جاني آليندي؟
بوُ گينگ ساراي، سيزلر اوچين ساليندي

بيزينگ ايشلريميز احسان‌سيز بوْلماز
بيزينگ ساچاق‌لارميز ميهمان‌سيز بوْلماز
قاپيني ياپمازلار ساقلايانيميز
اييمك‌دِن قوُتارماز بيزينگ نانيميز

 

اقبالينگ شايادي بار دير قوْلوُنگدا
دايانغيل گـويجـونگه ساغ هم سوْلوُنگدا
قيمّات قوْيغوُل ال‌لرينگه گؤزونگه
ناشكر سن قارا چكگيل يـوزونگه

گِنج بوْلاني بار دير سنده اي گداي
زار آغلار سن ينه نيله‌سين خداي
كؤپ گِنجه دِگِرلي عقلينگ - رايينگ
چكن زَحمتينگه يتيشر پايينگ

ايشله‌يأن آدام‌لار يتر پايينا
دوشِك سالار قيشدا ياتجاق جايينا
سبأپ بوُيسانجي دير قوْلوُ‌نينگ گـويجي
ايش‌لرينگ جانينا بوْلياندير اييجي

كريمينگ ساچاغي آچيق دير، يايينگ
ايش‌لِتسِنگ عقلينگي آلارسينگ پايينگ
حقينگ نوُري ياغتي بِرر جاهانا
يالتا بدباغت اتمه ناحق باهانا

 

شادليق بوْلان يرده چِكمه‌گيل غمي
ربّينگي يادلاييپ خوْش گِچير دمي
حقا غوُنچا بوْلوُپ آچيلسانگ باغ‌دا
يتيشر دادينگا قيسّانان چاغ‌دا

                              دامجا- دامجا سوُودان دريا دؤره‌نر
                              ييتيگي گؤزله‌سنگ آخر گؤرونر
                              ايشله « سرخوْش» قناعتا بر‌كت
                              الله‌دان بركت سندن حركت
  این مقاله را با فرمت PDF نشان بده چاپ مقاله فرستادن مقاله